استقالة الادمن

السلام عليكم و رحمة الله و بركاته

ما بعرف كيف بدي ابدى
ولا بعرف ليش صار هيك
ولا بعرف اذا كان الحق علي ولا على اي عضو بهل منتدى
بس الي بعرفه انه عم فوت على المنتدى عم لاقيه متل البيت المهجور
الي قتل الطاعون كل صحابه
صدقوني و ماني عم بالغ وقت بقول اني صرت اتذكر كل موقف من مواقفكم
كل ضحكة ضحكتوها بقسم فرفشة
كل دمعة نزلت من عيون كل واحد تأثر بموضوع انساني
كل واحد يحاول يدور على افكار يفيد فيها رفقاته
صرت امشي بالمنتدى و كأنه غرف و اتخيل صوركن كيف كانت و كأنكم متو
صار البيت الي كنا ساكنين فيه كلنا فاضي
و انا ما عاد الي داعي ابقى فيه
بتمنى من كل عضو انا غلطت بحقه يسامحني و يعذرني على اي شي بدر مني بحقه
و هاد الموضوع اخر موضوع رح اكتبه بهل منتدى
و هلق رح التفت شوي لشغلي و لحياتي الخاصة
و بعتذر من كل الناس الي كانو عندي بلأيميل على الهوت ميل و على الياهو لاني عملتلهم بلوك و حذف
لاني قررت استخدم الانترنت للشغل و بس
و حتى رقم موبايلي تغير كمان
=======================
بشكر من كل قلبي كل واحد او وحدي شاركت و عطنا من وقتها لهل منتدى و ما بتمناكم تنقطعو عنه و الكم من اليوم مطلق الحرية بأضافة اي شي لانه ما عاد عليكم اي رقيب يدياقكم
======================
بشكر و بعتذر من اخي نضال و تامر و ايمن و ابو نزار و زينة و بتمنالهم كل خير ان شاء الله
======================
و شكر خاص لاطيب قلب ( نور الهدى ) الي رح ودعك الى الابد و رح قولك انك اطيب و احلى قلب تعرفت عليه
======================
و كمان و اخيراً بشكر الي عطتني قلبها و روحها و دمها و تفكيرها ( لالو ) و بقولك الله يهنيكي بحياتك و يكتبك الخير و تأكدي اني بحياتي لو انا بعيد و وين ما كانت مارح انساكي

و السلام عليكم و رحمة الله و بركاته
اخوكم فادي الآغا

ما عم اقدر فكر ولا اعرف شو بدي قول
بس لازم ما تروح ولازم يرجع المنتدى
واهلا وسهلا نشنوشي كنت بتمنى نتعرف بمناسبة افضل

اكيد ما لح تركوا يروح لانوانسان مميز
وفعلا الرجل المناسب للمنتدى
والرجل المناسب في المكان المناسب

هايات ادمن انا بعرف انو المنتدى صار فعلاً متل البيت المهجور بس بتمنى انك
انت ماتترك المنتدى لاهيك سبب

متل ما حكت نور الرجل المناسب في المكان المناسب يعني انت مكنك في المنتدى
اكيد راح ترجع

انا عندي طلب صغير انو نرجع كلنا متل اول واحسن لانو احنا كنا كلنا اصدقاء وبدنا نضل اصدقاء انت لازم تبقى معنا لانو ازا انت تركت احنا كمان مارح نرجع على المنتدى بدنا تكون معنا انا بستنا الرد منك ادمن
نشنوشي سوري احنا ما بنفهم احنا بدنا نرجع فادي وانت بتحكي الاعضاء ما بدن اياك مين حكى هيك اصلاً شو انت بتصب الكاز على النار


حياة الادمن

هههههههههههههههههههههههههههههههه
حبيبي ارجاع حرام عليك شوف صبايا كيف عما يتعذب
خلص ارجاع